រដ្ឋាភិបាលក្រុង...

ផ្សាយពាណិជ្ជកម្ម: (012/015) 949 001 - ជាវកាសែត - ទំនាក់ទំនង

ការិយាល័យនិពន្ធ 012 813 366, 016 970 962

មាតិកាៈ ដំណឹងអន្តរជាតិ

រដ្ឋាភិបាលក្រុងប៉េកាំងបកស្រាយអំពីហេតុអ្វីបានជាចិនត្រូវការមូលដ្ឋានកងទ័ពនៅបរទេស

ដោយ ៖សុខា ថ្ងៃទី 15 កក្កដា 2017 ម៉ោង 11:22:AM

   លោក កេង សួង អ្នកនាំពាក្យក្រសួងការបរទេសចិន បាននិយាយកាលពីថ្ងៃពុធ ទី១២ កក្កដាថា ការបង្កើតមូលដ្ឋានកងទ័ពជើងទឹកចិននៅប្រទេសជីប៊ូទី គឺនៅតំបន់ ហន នៅអាហ្វ្រិក (តំបន់ស្នែងអាហ្វ្រិក)
ដែលជាមូលដ្ឋានកងទ័ពចិននៅបរទេសលើកទីមួយនោះ នឹងធ្វើឱ្យប្រសើរឡើងនូវស្ថិរភាពនិងសន្តិសុខនៅតំបន់នោះ និង អនុញ្ញាតឱ្យប្រទេសអាស៊ីនេះ(ចិន) អាចចូលរួមចំណែកកាន់តែមានប្រសិទ្ធិភាពក្នុងដំណើរការរក្សាសន្តិភាពនៅតំបន់អាហ្វ្រិកនោះ ។

   កាលពីថ្ងៃអង្គារ ក្រសួងការបរទេសចិនបានប្រកាសអំពីការបើកដំណើរការនៃមូលដ្ឋានកងទ័ពជើងទឹករបស់កងទ័ពរំដោះប្រជាជនចិននៅប្រទេសជីប៊ូទី ។ ទាហានចិនប្រហែល១០.០០០នាក់ ត្រូវបានរំពឹងថានឹងត្រូវបានបញ្ជូនទៅកាន់មូលដ្ឋានកងទ័ពនោះ។

   លោក កេង សួង បាននិយាយនៅឯសន្និសីទកាសែតមួយថា "ការប្រើប្រាស់មូលដ្ឋានកងទ័ពចិននៅប្រទេសជីប៊ូទីនឹងអាចជួយឱ្យចិនបំពេញភារកិច្ចអន្តរជាតិរបស់ខ្លួនកាន់តែមានប្រសិទ្ធិភាព ដោយរួមទាំងបេសកកម្មល្បាត និងការចូលរួមក្នុងប្រតិបត្តិការមនុស្សធម៌។ ចិននឹងចូលរួមចំណែករក្សាសន្តិភាព និង ស្ថិរភាពនៅតំបន់អាហ្វ្រិកនោះ។ រដ្ឋាភិបាលក្រុងប៉េកាំងបានប្តេជ្ញាធ្វើឱ្យមានការអភិវឌ្ឍន៍ប្រដោយសន្តិភាព"។

   លោក វូ ឈាន អ្នកនាំពាក្យក្រសួងការពារជាតិចិន បាននិយាយថា ចិនបានប្រកាស កាលពីខែកុម្ភៈឆ្នាំ២០១៦ ថា ខ្លួនបានកំពុងកសាងមូលដ្ឋានកងទ័ពមួយនៅប្រទេសជីប៊ូទី ។ មូលដ្ឋានកងទ័ពនេះ ត្រូវបានរំពឹងថានឹងអាចឱ្យទូកល្បាតចិនច្រើនគ្រឿងធ្វើការល្បាតនៅឈូងសមុទ្រអាដិន និង តំបន់ផ្សេងទៀតដែលត្រូវប្រើប្រាស់ ជាកន្លែងទុកសាំងនិងគ្រឿងផ្គត់ផ្គង់ផ្សេងៗសម្រាប់កងនាវាចិនទាំងនោះ ។

   ព្រំដែនជីប៊ូទីនៅជាប់ជាមួយប្រទេសសូម៉ាលី ហើយស្ថិតនៅតំបន់ស្នែងអាហ្វ្រិកនេះ ដែលមានសកម្មភាពចោរសមុទ្រច្រើន ។ ចិនបានចូលរួមយ៉ាងសកម្មក្នុងការប្រយុទ្ធប្រឆាំងចោរកម្មសមុទ្រនៅតំបន់នោះដោយមានកងទ័ពជើងទឹកចំនួន១៦.០០០នាក់ និងកងទ័ពម៉ារីន ១.៣០០នាក់ របស់ចិន នៅឈូងសមុទ្រអាដិនរវាងឆ្នាំ២០០៨និងឆ្នាំ២០១៥៕