កម្លាំងនគរបាលឃាត់ខ្លួនជនសង្ស័យ៦នាក់ពាក់ពន្ធ័គ្រឿងញៀននៅក្រុងច្បារមន

ដោយ ៖សុខសុភ័ណ្ឌ ថ្ងៃទី 16 កក្កដា 2017 ម៉ោង 03:11:PM

កំពង់ស្ពឺ៖ កម្លាំងនគរបាលចុះធ្វើការបង្ក្រាបនិងឃាត់ខ្លួនជនសង្ស័យ៦នាក់ ពាក់ពន្ធ័គ្រឿងញៀន នៅចំណុចភូមិសំណង់ សង្កាត់រកាធំ ក្រុងច្បារមនខេត្តកំពង់ស្ពឺ។ ការឃាត់ខ្លួនជនសង្ស័យទាំង៦នាក់ ធ្វើឡើងកាលពីវេលាម៉ោង២និង៣០នាទីរសៀលថ្ងៃទី១៥ខែកក្ដដាឆ្នាំ២០១៧។

នគរបាលបានឲ្យដឹងថាជនសង្ស័យទាំង៦នាក់មាន ១.ឈ្មោះ ថន គួយ ភេទ អាយុ ២១ឆ្នាំរស់នៅភូមិទ្រា ឃុំព្នាយ ស្រុកសំរោងទង ២.ឈ្មោះ សុវណ្ណ ដាវិត អាយុ ២២ឆ្នាំរស់នៅភូមិសំណង់ សង្កាត់រកាធំ ក្រុងច្បារមន ៣.ឈ្មោះ ឡុង សុភ័ក្រ អាយុ ២១ឆ្នាំ នៅភូមិញ សង្កាត់កណ្ដោលដុំ ក្រុងច្បារមន ៤.ឈ្មោះ វ៉ង់ សម្បត្តិ អាយុ២០ឆ្នាំ ៥.ឈ្មោះ វ៉ន់ សំបូរ អាយុ ២០ឆ្នាំ ទាំង២នាក់រស់នៅភូមិត្រស់ សង្កាត់ស្វាយក្រវ៉ាន់ ក្រុងច្បារមន ៦.ឈ្មោះ ស៊ន ចាន់សែន អាយុ ៣២ឆ្នាំ នៅភូមិបូរីកម្មករ សង្កាត់រកាធំ ក្រុងច្បារមន។

ប្រភពដដែលបន្តថាកម្លាំងបានដកហូតគ្រឿងញៀនប្រភេទម៉ាទឹកកក ១២កញ្ចប់ ជញ្ជីងថ្លឹងគ្រឿងញៀន ១ ម៉ូតូ៧គ្រឿង ទូរស័ព្ទដៃ ៥ រួមនឹងឧបករណ៍ប្រើប្រាស់គ្រឿងញៀនមួយចំនួនទៀត។

បច្ចប្បន្នជនសង្ស័យទាំង៦នាក់រួមនិងវត្ថុតាងត្រូវបាននគរបាលបញ្ជូនទៅកាន់ការិយាល័យជំនាញ ដើម្បីសាកសួរនិងកសាងសំណុំរឿង ចាត់ការតាមនិតិវិធី៕